Нарадзіўся 16 ліпеня 1968 года ў гарадскім пасёлку Бялынічы Магілёўскай вобласці.
З 1975 па 1985 год навучаўся ў сярэдняй школе No 1 г. п. Бялынічы. Пасля заканчэння вучобы ў школе прадоўжыў адукацыю ў Бялыніцкім ПТВ-217, якое скончыў з чырвоным дыпломам. З 1986 па 1988 год праходзіў тэрміновую службу ў Савецкай Арміі ў Паветрана-дэсантных войсках. Пасля службы ў войску скончыў ПТВ No 4 горада Магілёва, атрымаў спецыяльнасць тэлерадыёмеханіка. Паралельна з вучобай з 1988 года Мікалай Мяцеліца працаваў у аддзеле культуры Бялыніцкага райвыканкама кіраўніком вакальна-інструментальнага ансамбля, пазней – у Бялыніцкай ПМК-241 экскаватаршчыкам. З 1999 года Мікалай Мяцеліца стаў індывідуальным прадпрымальнікам, з 2013 года працуе спецыялістам па продажах у ІП Мяцеліца А. Г.
Сябар Партыі БНФ і Руху БНФ «Адраджэнне».
Жанаты, мае сына.